周末下午，青悄悄坐在餐厅一角，垂下头拿着匙羹，默默地搅拌枱上的热柠水，想得入神??
    蓝（匆忙赶到）：咦？好早嚟咗啦？
    青（心神彷彿）：嗯??
    蓝（上身靠着青）：食咗午餐未？净係饮杯柠檬水够啦？
    青（面部僵硬）：啊！冇乜胃口，唔想食早餐住??
    蓝（疑惑）：不如食个下午茶？係咪依间餐厅唔啱胃口？我哋可以去第二间食啊？
    青（摇摇头）：唔係??蓝，我有件事要同你讲??
    蓝（上身倾前）：好！你讲吖！我听紧??
    青（深呼吸）蓝，我有左六星期啊??
    蓝（睁大眼睛）：吓！你意思係你有咗bb?我哋嘅bb?
    青眼巴巴望着蓝，点头不语。
    蓝（摸一下鼻子扮惊喜）：咁突然嘅？咁咪好囉！我哋可以落实结婚，组织我哋嘅新家庭！我已经諗好咗，我哋结婚之后住边度??
    青（握拳质问）：你一早知道我有咗，先至同我结婚嘅??
    蓝（跺脚死撑）：梗係唔係！我点会知啫？我係想同你组织新家庭，先会同你求婚??
    青（鼻孔呼气）：点解你要讲大话？嗰晚係俊屋企，你已经係我手袋见到有验孕棒啊？所以，你係为咗个bb，先至同我求婚，并唔係因为我本身??
    蓝心里一沉，想不到被怀疑求婚的诚意，感到很沮丧，拒绝作任何解释，下意识摸了一下，放在口袋里的戒指盒，想不到这棵戒指，竟猛然刺痛自己??两人一下子沉默起来，时间彷彿过得很慢，甚至怀疑停止了??
    蓝打破沉默（抬头挺胸）：係！我承认，我係一早见到，你个袋有一盒验孕棒??而我唔想自己，好似我衰老豆咁，知道我妈咪有咗我，就唔要我哋两个，离开咗屋企就冇再返嚟??所以我一定会负责任，做bb嘅爸爸??
    蓝想勾搭青的手，但青慢慢缩开回避，蓝的心酸溜溜刺痛着，手指头在枱底无意识的抚弄，似乎在回忆曾经触碰时的温暖。
    青沉默一会（回避目光)：我知道有bb係一件唔容易嘅事??但係原来拥有依一件上天赐嘅礼物，亦都会可能失去另一位重要的人??
    青（低头咽嚥）：蓝，原来我妈咪係生我嘅时候难產，医生剩係救得返我一个??我妈咪係我出世嗰日，就过咗身???所以，我而家仲未有勇气去接受生bb依一件事，我仲咁后生，我唔想咁快生bb，绑住自己梦想呀！??何况，我下星期我会返公司面试，如果顺利嘅话就可以返机组，完成我嘅梦想??
    蓝（叉腰忟憎）：梦想？又係梦想？你依家有咗我哋嘅bb呀！你依家最紧要係休息，唔好諗咁多野住??
    青（反感吁气）：够啦！你净係掛住个bb，你有冇諗过我嘅感受啊？我真係好惊啊！我唔想面对妈咪同一个处境，我好惊死係產房！係手术枱上死呀？你明唔明呀？
    蓝（好言相劝安慰）：我明白以前医院有好多唔完善嘅地方，但係而家医学好先进架啦！我会安排最好嘅医生同埋医院俾你，你唔使担心架！
    青（情绪崩溃大哭）：唔係呀！唔係你一厢情愿咁諗，就会冇事架！意外就係意外，我都唔想架！我都唔想妈咪生我嘅时候死架！我都好想妈咪抱我锡我，我好怕生bb呀！你明唔明呀？
    蓝（脖子变粗嬲怒拍枱）：我唔明呀？医学咁昌明，生bb使乜惊啊！我一定会对个bb负责任，绝对唔会唔要bb，我一早同你求婚啦！係你冇应承我之嘛??
    这一下拍枱声震耳欲聋，划破餐厅的寂静，食客们都放低餐具，向蓝青行注目礼??
    青拿起手袋惊惶失措，泪流满面，低头急步离去，而蓝结帐后，在街上肓目游荡，不知不觉走到雪的餐厅??
    雪正在吧枱抹酒杯，听到大门的响铃声，正想转身招呼时，把这句说话：请问几多位？都吞到肚里去??
    雪（面部呆住了）：啊！好耐冇见??
    蓝（没精打采）：係啊！咁岩过开来呢边，諗住黎探下你??
    雪仔细地望着蓝（双手交叠）：係咩？似乎有人有心思喎喎？
    蓝回避眼神，低头不语，雪开了阁楼一间vip房招呼蓝，蓝便找了一个角落坐下来。
    房内放了一个庞大酒柜，雪一面摸着锁骨，一面挑选了几枝新酒：蓝，今日有冇揸车？
    蓝脱去外套，上半身向后仰，重甸甸的摊在沙发上，半闭着眼点起香烟，吞云吐雾地叹息：无??
    蓝抬头望着天花板，古典优雅的墙壁，陪衬着两幅抽象油画，但蓝却是满脑子都是青的模样??蓝感到非常沮丧，拿起卡拉ok遥控，胡乱输入一堆歌曲，希望有些影像摄入眼帘，有些歌曲塞入脑海中，希望能够麻醉自己，暂停去想这一个解决不到的问题??
    雪取出酒杯，熟练地开瓶盖，小心翼翼地倒酒，调暗了灯光，两人目无表情地望着电视萤幕，播出一首又一首的经典歌曲，似乎为两颗受伤的心在疗伤??两人充满默契，简单的眼神足以交代一切，心情悸动又复杂??
    雪（抬头挺胸）：点啊？都陪你饮咗三红三白啦喎！够皮未？
    蓝（扭扭头傻笑）：咁快？都未天光！哈哈?哈哈??
    雪（手指玩头发）：我楼下班伙计，都收工啦！同你饮咗成晚啦！??
    蓝（摇头摆脑）：哈哈！同你饮酒，真係好舒服，真係好开心?想继续饮，唔好比佢停??
    雪（手舞足蹈）：喂！你记唔记得以前，你饮咗酒，就会唱歌比我听？快啲表演「激光中」听下啦??
    蓝不加思索地拿起咪，把外套掛在膊头，企在茶几上听着拍子，纯熟地跳着四拍，夸张地模仿罗记独特唱腔，逗得雪裂嘴大笑，随手拿起蓝手机拍下短片，笑至失声，叫好拍掌??不料，蓝乐极忘形失足，额头撞向墙角，雪扑上前搀扶时，两人扭作一团跌在沙发上，蓝压着雪，动弹不得，雪连珠爆发爆粗，诅咒蓝发酒癲??
    蓝情绪高昂，揽着雪哈哈大笑，一手搓着额头叫痛，另一隻手慢慢撑起身??雪灵巧地捉紧蓝垂下的领吠，两人四目对望，呼吸变得更急速??
    雪（含情脉脉）：蓝，我想你今晚陪我??
    蓝（犹豫了一下）：啊??我?
    雪主动亲吻蓝，熟练地触碰对方敏感位置，令蓝瞬间血脉沸腾，原始本能兽性加上酒精作催化剂，双方都渴求解决慾望需要??
    清晨，雪衣衫不整的先离开，留下蓝内疚懊悔地摊在沙发上，呆呆地望着天花板，良心责备自己，想不到，一刻的迷失，碰上诱惑，令蓝跌进深渊??